هەولێر AA

وەزارەتی تەندروستیی هەرێمی کوردستان لە راگەیەنراوێکدا ئاماری 24 کاتژمێری رابردووی تایبەت بە ڤایرۆسی کۆرۆنای نوێ (COVID 19) بڵاوکردەوە.

بەپێی راگەیەندراوەکە ژمارەی تۆمارکراوی تووشبووانی کۆرۆنا لە هەرێمی کوردستان، 42 هەزار کەسی تێپەراند.

لە راگەیەندراوەکەدا هاتووە "لە میانی 24 کاتژمێری رابردوودا، 636 تووشبووی نوێ تۆمارکراوە کە زۆرترین ژمارەیان لە دهۆک بووە بە 353 تووشبوو، هەولێر 110 تووشبوو، سلێمانی 109 تووشبوو، گەرمیان 32 کەس و هەڵەبجە 32 تووشبوو.

وەزارەتی تەندروستیی حکوومەتی هەرێمی کوردستان راشیگەیاندووە کە لە میانی 24 کاتژمێری رابردوودا، 403 تووشبووی کۆرۆنا لە سەرانسەری هەرێمی کوردستاندا چاکبوونەتەوە کە زۆرترین ژمارەیان لە هەولێر بووە بە 186 کەس، دهۆک 126 کەس، سلێمانی 28 کەس، گەرمیان 34 و هەڵەبجە 29 کەس.

وەزارەتی تەندروستیی حکوومەتی هەرێمی کوردستان راشیگەیاندووە لە میانی 24 کاتژمێری رابردوودا، 17 کەسی دیکە بەهۆی ڤایرۆسی کۆرۆناوە گیانیان لەدەستداوە بەم شێوەیە:

 دهۆک شەش کەس، سلێمانی شەش کەس و دوو کەس لە هەولێر، دوو کەس لە گەرمیان و یەک کەس لە راپەڕین.

 لە هەرێمی کوردستان تا ئێستا 428 هەزار و 223 پشکنینی کۆرۆنا ئەنجامدراوە و 42 هەزار و 368 تووشبووی ڤایرۆسی کۆرۆنای نوێ تۆمارکراوە.

لەو ژمارەیەش تا ئێستا 27 هەزار و 324 کەسیان چاکبوونەتەوە و 13 هەزار و 491 کەسیش ماون لەژێر وەرگرتنی چارەسەردان.

هەروەها هەزار و 553 کەس بەهۆی ڤایرۆسەکەوە گیانیان لەدەستداوە.