كلیس - AA

ئه‌و په‌نابه‌ره‌ سوورییانه‌ی به‌ بۆنه‌ی جه‌ژنی ره‌مه‌زانه‌وه‌ له‌ توركیاوه‌ بۆ وڵاته‌كه‌یان گه‌ڕابوونه‌وه‌، ده‌گه‌ڕێنه‌وه‌ بۆ توركیا.

په‌نابه‌ره‌كان كه‌ له‌ 13ی حوزه‌یرانه‌وه‌ له‌ ده‌روازه‌ی ئۆنجوپناره‌وه‌ گه‌ڕانه‌وه‌ بۆ سووریا، له‌ ئێستادا و دوای كۆتاییهاتنی جه‌ژن، به‌ره‌و توركیا ده‌گڕێنه‌وه‌.

سوورییه‌كان له‌ ده‌روازه‌ی ئەسه‌لامه‌وه‌ به‌ چاودێریی پۆلیس ده‌گه‌نه‌ ناوه‌ندێكی ئیداره‌ی كۆچ و كۆچبه‌رانی توركیا كه‌ له‌ ناوچه‌یه‌كی ئارامدا بنیاتنراوه‌، ناویان تۆمار ده‌كرێت و پاشان به‌ گرووپی 100 كه‌سی ره‌وانه‌ی ده‌روازه‌ی سنووریی ئۆنجوپنار ده‌كرێن.

لێره‌دا دوای پشكنینی ناسنامه‌كانیان، ده‌په‌ڕنه‌وه‌ خاكی توركیا.