سياسەت, عێراق

سەرۆکوەزیرانی عێراق لیژنەیەکی بۆ لێکۆڵینەوە لە رووداوەکانی زیقار پێکهێنا

بە فەرمانی سەرۆکوەزیران و فەرماندەی گشتیی هێزە چەکدارەکانی عێراق، مستەفا کازمی، لیژنەیەکی لێکۆڵینەوە لەبارەی رووداوەکانی چەند رۆژی رابردووی شاری ناسرییە ناوەندی پارێزگای پێکهێنرا.

Sarmand Hameed   | 27.02.2021
سەرۆکوەزیرانی عێراق لیژنەیەکی بۆ لێکۆڵینەوە لە رووداوەکانی زیقار پێکهێنا

Arbil

هەولێر - AA

بە فەرمانی سەرۆکوەزیران و فەرماندەی گشتیی هێزە چەکدارەکانی عێراق، مستەفا کازمی، لیژنەیەکی لێکۆڵینەوە لەبارەی رووداوەکانی چەند رۆژی رابردووی شاری ناسرییە ناوەندی پارێزگای زیقار پێکهێنرا.

شانەی راگەیاندنی ئەمنیی سەربە فەرماندەیی ئۆپەراسیۆنە هاوبەشەکان بڵاویکردەوە، لیژنەکە لەلایەن جێگری سەرۆکی ئەرکانی سوپا بۆ کاروباری کارگێڕی، فەریق روکن باسم تائیی سەرۆکایەتی دەکرێت و ئەندامییەتی ژمارەیەک لە ئەفسەرانی باڵای هەردوو وەزارەتی بەرگریی و ناوخۆ و ئاسایشی نیشتمانیی لەخۆدەگرێت.

بە گوێرەی راگەیاندراوەکە کە کۆپییەکی گەیشتووەتە ئاژانسی ئانادۆڵو، لیژنەکە ئەرکی لێکۆڵینەوە دەبێت لە رووداوەکانی چەند رۆژی رابردووی شاری ناسرییە ناوەندی پارێزگای زیقار دەبێت کە بەهۆیانەوە ژمارەیەک کوژراو و برینداری لە خۆپیشاندەران و هێزەکانی ئەمنیی لێکەوتەوە.

ئەوەش خراوەتەڕوو کە لیژنەکە ئێوارەی ئەمڕۆ شەممە سەرۆک و ئەندامانی لیژنەکە گەیشتوونەتە پارێزگای زیقار و دەستبەکاربوونە.

ماوەی شەش رۆژە خۆپیشاندان لە شاری ناسرییە ناوەندی پارێزگای زیقار باشووری عێراق بەڕێوەدەچێت و بەپێی کۆمیسیۆنی باڵای مافەکانی مرۆڤ، لە میانی خۆپیشاندانەکاندا تاوەکو ئێستا پێنج خۆپیشاندەر کوژراون و دەیان کەسی دیکە لە خۆپیشاندەران و هێزەکانی ئەمنیی برینداربوونە.

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın