مووسڵ ــ AA
شارەوانیی تۆکات و حکوومەتی خۆجێی شاری مووسڵ پرۆتۆکۆڵی دەستە خوشکی نێوان ھەردوو شارەکەیان" واژووکرد.
پرۆتۆکۆڵەکە ئەمڕۆ سێشەممە لە ڕێوڕەسمێکدا، لەلایەن سەرۆکی شارەوانیی تۆکات، محەمەد کەمال یازیجی ئۆغڵو و پارێزگاری نەینەوا، عەبدولقادر دەخیل واژووکراو.
عەبدولقادر دەخیل لە میانی ڕێوڕەسمەکەدا لە لێدوانێکی ڕۆژنامەوانییدا خۆشحاڵی خۆی بە واژووکردنی پرۆتۆکۆڵەکە نیشانداوە و ڕایگەیاند، واژووکردنی پرۆتۆکۆڵەکە، دەبێتە مایەی پەیوەندی دەستە خۆشکی نێوان تۆکات و مووسڵ.
ئاماژەی بەوەشدا کە پەیوەندییەکی مێژوویی لەنێوان ئەنقەرە و بەغدا ھەیە و ڕایگەیاند کە گەلی عێراق پاڵپشتییەکانی تورکیا لە بیر ناکات.
لەبەرامبەردا سەرۆکی شارەوانیی تۆکات، محەمەد کەمال یازیجی ئۆغڵو ڕایگەیاند پەیوەندییە بازرگانی، کەلتووری و گەشتیارییە درێژخایەنەکانی نێوان تورکیا و عێراق بە واژووکردنی پرۆتۆکۆڵەکە، گرنگیی زیاتریان پێ دەدرێت.
گوتیشی: "سەرکۆمارمان ڕەجەب تەیب ئەردۆغان و سەرۆکی گشتیی مەھەپە، دەوڵەت باخچەلی ھەوڵێکی زۆر دەدەن بۆ بەشداریکردن لە بەڕێوەبردنی پرۆسەی ئاشتی و سەقامگیری لە وڵاتانی برایانمان لە ڕۆژھەڵاتی ناوەڕاست".
ئاماژەی بەوەشدا کە ئەم ھاوبەشیکردنە یارمەتیدەر دەبێت بۆ پڕۆسەی دووبارە ئاوەدانکردنەوەی شاری مووسڵ و ڕاشیگەیاند کە ئەو ھەنگاوانە، ھانی بازرگانانی تورکیا دەدەن، لەوەی چالاکیەکانیان لە شارەکەدا زیاتر بکەن.
