ڕامەڵڵا - AA

هێزەکانی ئیسرائیل، لە چەند ناوچەیەکی جیاوازی کەرتی ڕۆژئاوا، ١٠٠ فەڵەستینیان دەستگیرکرد کە پەرلەمانتاری پێشوو و چەند بەرپرسێکی حەماسیان لەنێودایە.

بەرپرسی ڕاگەیاندنی کۆمەڵەی دیلەکانی فەڵەستین، ئەمانی سەراحنە لە لێدوانێکیدا بۆ ئاژانسی ئانادۆڵو، باسی لەوە کرد کە سوپای ئیسرائیل هەڵیکوتاوەتە سەر قودسی ڕۆژهەڵات و چەند ناوچەیەکی جیاوازی کەرتی ڕۆژئاوا.

سەراحنە باسی لەوە کرد کە هێزەکانی ئیسرائیل لانی کەم ١٠٠ فەڵەستینیان دەستگیرکردووە و، کە لە نێویاندا حەسەن یوسف کە یەکێکە لە بەرپرسانی حەماس لە کەرتی ڕۆژئاوا و هەندێک لە ئەندامان و پەرلەمانتارانی پێشووی بزوتنەوەکە هەیە.

هەروەها سەراحنە باسی لەوە کرد کە هێزەکانی ئیسرائیل لە ٧ی تشرینی یەکەمەوە تا ئێستا، لە کەناری ڕۆژئاوا و قودسی ڕۆژهەڵات ٨٥٠ فەڵەستینیان دەستگیرکردووە.

هێشتا لایەنی ئیسرائیل هیچ ڕوونکردنەوەیەکی لەو بارەیەوە بڵاونەکردووەتەوە.