سياسەت, جيهان

حەسەن روحانی: "با سزاكان هه‌ڵبگرن بۆئەوەی ده‌ست به‌ دانوستان بكه‌ینه‌وه‌"

سه‌ركۆماری ئێران، حه‌سه‌ن روحانی رایگه‌یاند کە بۆ چاره‌سه‌ركردنی كێشه‌كان به‌ رێگای دیالۆگ پێویسته‌ سزاكان هه‌ڵبگیرێن و گوتی: "با سزاكان هه‌ڵبگرن و رێگای دیپلۆماسی بگرنه‌ به‌ر، بۆئەوەی ده‌ست به‌ دانوستانه‌كان بكه‌ینه‌وه‌".

Muhammet Kurşun   | 04.03.2021
حەسەن روحانی: "با سزاكان هه‌ڵبگرن بۆئەوەی ده‌ست به‌ دانوستان بكه‌ینه‌وه‌"

Tahran

تاران – AA

سه‌ركۆماری ئێران، حه‌سه‌ن روحانی رایگه‌یاند کە بۆ چاره‌سه‌ركردنی كێشه‌كان به‌ رێگای دیالۆگ پێویسته‌ سزاكان هه‌ڵبگیرێن و گوتی: "با سزاكان هه‌ڵبگرن و رێگای دیپلۆماسی بگرنه‌ به‌ر، بۆئەوەی ده‌ست به‌ دانوستانه‌كان بكه‌ینه‌وه‌".

حەسەن روحانی له‌ رێوڕه‌سمی كردنه‌وه‌ی ژماره‌یه‌ك پڕۆژه‌ له‌ ناوچه‌ جیا جیاكانی ئێران له‌ رێگای ڤیدیۆ كۆنفرانسه‌وه‌ گوتارێكی پێشكه‌ش كرد و له‌باره‌ی رێككه‌وتننامه‌ی ئه‌تۆمییه‌وه‌ دوا.

سه‌ركۆماری ئێران به‌ تیشك خستنه‌ سه‌ر ئه‌وه‌ی كه‌ خاڵی نوێ بۆ رێككه‌وتنی ئه‌تۆمی زیاد ناكرێت گوتی: " بۆ چاره‌سه‌ركردنی كێشه‌كان به‌ رێگای دیالۆگ پێویسته‌ سزاكان هه‌ڵبگیرێن. با سزاكان هه‌ڵبگرن و رێگای دیپلۆماسی بگرنه‌ به‌ر، بۆئەوەی ده‌ست به‌ دانوستانه‌كان بكه‌ینه‌وه‌. سزاكان رێگه‌ له‌ دیپلۆماسییه‌ت ده‌گرن. ئه‌گه‌ر ئه‌مریكا سزاكان هه‌ڵبگرێت په‌یوه‌ندییه‌كان گه‌رمتر ده‌بن".

حەسەن روحانی داوای كرد په‌له‌ بكرێت له‌ هه‌ڵگرتنی سزاكان و گرتنه‌به‌ری رێگای دیپلۆماسی و گوتی: "جێهێشتنی كاری ئه‌مڕۆ بۆ سبه‌ی له‌ به‌رژه‌وه‌ندی كه‌سدا نییه‌. ئه‌مریكا به‌رپرسیاره‌ له‌ دواخستن. ئێران رایگه‌یاندووه‌ كه‌ سزاكان هه‌ڵگیران، پابه‌ند ده‌بێت به‌ به‌ڵێنه‌كان. با كات به‌ فیڕۆ نه‌ده‌ین".

ماڵپەری ئاژانسی ئانادۆڵۆ، بەشێک لەم هەواڵە ئابۆنانەی کە بڵاوکراوەتەوە لە لیستی هەواڵەکانی ئاژانسی ئانادۆڵۆ، کورت و پوخت دەکرێت ئینجا بڵاودەکرێتەوە، بۆ ئابۆنەوە کردن تکایە پەیوەندی بکەن.
بابه‌ته‌ په‌یوه‌ندیداره‌كان
Bu haberi paylaşın