Serokomar Recep Tayyip Erdogan ji bo beşdariya "Zîrweya Aştiyê ya Şarm el-Şêxê" bi balafira "TUR"ê gihîşt bajarê Şarm el-Şêxê yê Misrê.

Balafira Serokomar Erdogan tê da bû pîsta Balafirgeha Navneteweyî ya Şarm el-Şêxê pas derbas kir, bo demekê li ser Behra Sor firiya û paşê li balafirgehê danî.

Li vir Serkomar Erdogan ji hêla Ehmed Fuad Hennoyê Wezîrê Çandê yê Misrê, Eşref Subhiyê Wezîrê Werzişê û Salih Mutlu Şenê Balyozê Tirkiyeyê li Qahireyê û her wiha personelê balyozxaneyê hat pêşwazîkirin.

Wezîrê Karên Derva Hakan Fîdan, Serokê Teşkîlata Îstixbarata Neteweyî (MÎT) Îbrahîm Kalin, Serokê Ragihandina Serokomariyê Burhanettîn Duran, Serşêwirmendê Polîtîkaya Dereke û Ewlehiyê yê Serokomar Akîf Çagatay Kiliç jî tevî Serokomar Erdogan gihîştin Şarm el-Şêxê.

Serokomar Erdoganê ku tevî heyeta xwe li ser vexwendina Serokomarê Misrê Ebdulfettah es-Sîsî û Serokê Amerîkayê Donald Trump hat Misrê, ji bo beşdariya "Zîrweya Aştiyê ya Şarm el-Şêxê" ya têkildarî rêkeftina agirbestê li Xezeyê tê lidarxistin, ber bi Navenda Fuara Navneteweyî bi rê ket.

Tê plankirin ku Serokomar Erdogan di çarçoveya zîrweyê da beşdariya Peymana Şarm el-Şêxê bike û digel lîderên welatên beşdar şêwran pêk pîne.