Serokomar Recep Tayyip Erdogan ji bo beşdariya "Zîrweya Aştiyê ya Şarm el-Şêxê" bi balafira "TUR"ê çû Misrê.

Alîkarê Serokomar Cevdet Yilmaz, Sekreterê Giştî yê Serokomariyê Hakki Susmaz û Waliyê Enqereyê Vasip Şahin li Balafirgeha Esenbogayê Serokomar Erdogan bi rê kir.

Wezîrê Karên Derva Hakan Fîdan, Serokê Teşkîlata Îstixbarata Neteweyî (MÎT) Îbrahîm Kalin, Serokê Ragihandina Serokomariyê Burhanettîn Duran, Serşêwirmendê Polîtîkaya Dereke û Ewlehiyê yê Serokomar Akîf Çagatay Kiliç jî tevî Serokomar Erdogan çûn Misrê.

Serokomar Erdogan bi vexwendina Serokomarê Misrê Ebdulfettah es-Sîsî û Serokê Amerîkayê Donald Trump dê beşdariya "Zîrweya Aştiyê ya Şarm el-Şêxê" bike ku der heqê rêkeftina agirbesta li Xezeyê da dicive.

Tê plankirin ku Serokomar Erdogan di zîrweyê da axaftinekê bike û digel lîderên welatên beşdar şêwran pêk pîne.