Dîrokzan, akademîsyen û nivîskar Prof. Dr. Îlber Ortayli yê li nexweşxaneya ku lê tedawî didît di 78 saliya xwe da mir, piştî merasima cinazeyê di hezîreya Mizgefta Fatîhê da hat definkirin.

Ji bo Prof. Dr. Ortayli li Mizgefta Fatîhê piştî nimêja esrê, merasima cinazeyê hat lidarxistin.

Di merasimê da Tuna Ortayli Kaziciya keça Ortayli, xwîşk û birayên wî Enver, Emeldar û Nuriye Ortayliyê li hewşa mizgeftê li ser navê malbatê amade bûn. Beşdarên cinazeyê sersaxî dan malbatê.

Termê Ortayli bi tekbîr û diayan va di hezîreya Mizgefta Fatîhê da hat definkirin.

Wekîlê Serokê TBMMyê Celal Adan, Serokê Giştî yê ÎYÎ Partiyê Musavat Dervişoglu, Serokê Giştî yê Partiya Paşerojê Ahmet Davutoglu, Patrîkê Fener Rûmê Bartholomeos, Parlamenterê AK Partiyê yê Bursayê Mustafa Varank, Serokê Konseya Rîspiyên Teşkîlata Dewletên Tirk Bînalî Yildirim, Wezîrê Karên Navxweyî yê berê Mehmet Agar, Wezîrê Yekîtiya Ewropayê yê berê û Balyoz Egemen Bagiş, zanyarê erdê Prof. Dr. Celal Şengor, nivîskarê dîrokzan Murat Bardakçi, hin şaredar, hunermend, akademîsyen, nivîskar, xwendekar, siyasetmedar, werzişvan û her wiha gelek welatî û hezkiriyên wî beşdarî merasima cinazeyê bûn.

Ji aliyekî din va eşkere bû ku malbata Ortayli dê sibê di navbera saet 10.00-20.00an da li Divan Îstanbul Otelê teziyeyê vekin.