Önder Beyter
16 Cotmeh 2017•Rojanekirin: 16 Cotmeh 2017
BEXDA
Hat rafihandin ku li Parlamentoya Iraqê lîsteyên sunî û şiî ji ber referandûma li Herêma Kurdistana Iraqê bo cara yekemîn di pozîsyoneke hevbeş da li hev kirin.
Parlamenterên iraqî yên ku mijar ji peyamnerê AAyê ra nirxandin, destnîşan kirin ku meclisê raye dan Serokwezîr Heyder El Îbadî da ku hemû planên Herêma Kurdistana Iraqê pûç bike û li her devereke welat desthilata dewletê durist bike.
Muwefeq er-Rebiyê Endamê Hevpeymana Neteweyî ya Şîe ku mezintirîn lîsteya meclisa Iraqê ye, wiha got, "Grûbên siyasî yên li parlamentoyê wer difikirin ku referandûm ji DEAŞê xeternaktir e. DEAŞ bi hêza leşkerî dikare were jinavbirin. Lêbelê cudabûn, destpêka wan arîşeyan e ku welat bixin tunêleke tarî."
Endamê hevpeymana Neteweyî ya Iraqê Ebdulkerîm Abtan jî destnîşan kir ku ji bo parastina yekîtiya xaka Iraqê û pûçkirina hewlên perçekirinê, hêzên sunî bi grûbên siyasî yên şîe ra li hev kirin.
