Nilay Kar
13 Nëntor 2019•Përditësim: 13 Nëntor 2019
Katër kryetarë bashkie u pezulluan në lindje të Turqisë sot për lidhje të dyshuara terroriste, raporton Anadolu Agency (AA).
Ministria e Brendshme pezulloi Songul Erden, kryetarin e rrethit Idil në provincën juglindore Sirnak.
Në provincën juglindore të Dijarbakirit, Belgin Diken, kryetari i rrethit Yenisehir dhe Ahmet Celik, kryetari i rrethit Hazro, u pezulluan nga postet e tyre.
Gjithashtu, në provincën lindore Tunceli, u pezullua Orhan Celebi, kryetari i qytetit Akpazar të rrethit Malazgirt.
Në kuadër të hetimeve ndaj kryetarët të bashkive, që të katër u larguan nga zyrat e tyre lidhur me pretendimet se ishin anëtarë të një grupi të armatosur terrorist dhe për përhapjen e propagandës terroriste, thanë burime të sigurisë në kushte anonimiteti për shkak të kufizimeve për t'u prononcuar për mediat.
Guvernatorët e rrethit Zafer Sag në Idil, Murat Besikci në Yenisehir, Ali Oner në Hazro dhe Menderes Topcuoglu në Malazgirt, u emëruan në vend të tyre.
