Turqi, konfiskohen mbi 700 artefakte historike

Burime të sigurisë njoftojnë se gjithsej 746 objekte historike u konfiskuan në një operacion në jug të Turqisë, raporton Anadolu Agency (AA).

Ekipet e xhandarmërisë së provincës mesdhetare Mersin arrestuan një të dyshuar, të identifikuar vetëm me inicialet H.K.

I dyshuari u përpoq të nxirrte në treg objekte historike nga Epoka e Mesme dhe Periudha Romake.

Forcat turke të sigurisë u paraqitën si blerës dhe kontaktuan me H.K. dhe i dyshuari solli artefakte historike nga shtëpia e tij pasi u dakorduan për një çmim.

Në mesin e artefakteve historike të konfiskuara ishin 698 monedha, 24 unaza, 16 vathë, tre shtiza, dy figura të zogjëve, një kryq dhe gjësende tjera.