Aysu Biçer
15 Dhjetor 2020•Përditësim: 15 Dhjetor 2020
Mes sanksioneve të SHBA-ve kundër Turqisë, një ekonomist ndërkombëtar me bazë në Washington ka deklaruar se sektori i eksportit të Turqisë është "fuqia më e madhe" e vendit, transmeton Anadolu Agency (AA).
Në llogarinë e tij në twitter, Robin Brooks, krye-ekonomist i Institutit të Financave Ndërkombëtare me bazë në Washington, theksoi se "Turqia ka një fuqi të madhe, sektorin e saj jashtëzakonisht konkurrues të eksportit".
"Vetëm shikoni se sa u rritën eksportet e Turqisë para krizës COVID-19 përballë tregjeve të tjera në zhvillim", shkroi Brooks.
Ai tha se dy dobësitë kryesore të ekonomisë turke janë stimulimi i kredisë, i cili do të rrit importet dhe do të lehtësojë rimëkëmbjen në Evropë, e cila përbën gati 50 për qind të aksioneve në eksportet totale turke.
Eksportet e Turqisë arritën 135.6 miliardë dollarë në dhjetë muajt e parë të vitit 2020.
Brooks tha se ka lehtësim në tregjet që lira turke trajtoi sanksionet e SHBA-ve "aq mirë siç ka bërë".
"Por tablokoja e madhe mbetet se lira ka keqformuar pjesën tjetër të tregjeve në zhvillim. Një mundësi e madhe për kapje, e cila mund të ndodhë me veprime të vogla nga ekipi i shkëlqyeshëm i politikave të reja...", shtoi Brooks.
Në nëntor, Turqia zëvendësoi guvernatorin e saj të bankës qendrore, emëroi një ministër të ri të financave, si dhe rriti normën e interesit me 475 pikë në 15 për qind.
SHBA ka vendosur sanksione ndaj Turqisë për shkak të blerjes së sistemit rus të mbrojtjes ajrore S-400.
