Bie dëshmor një ushtar turk në lindje të vendit

Një ushtar turk ka rënë dëshmor dhe dy të tjerë janë plagosur në një sulm terrorist në lindje të Turqisë, njoftoi sot Zyra e guvernatorit në Van, transmeton Anadolu Agency (AA).

Terroristët hapën zjarr ndaj patrullës ushtarake në Caldiran, të provincës lindore Van, përgjatë kufirit me Iranin, thuhet në deklaratën e lëshuar nga Zyra e guvernatorit në Van.

Dy ushtarët e plagosur u transportuan në spital për trajtim.

Nuk u bë e ditur se cilit krah i përkisnin terroristët.