Anija luftarake TCG Anadolu, më e madhja e Forcave të Armatosura Turke e cila është prodhim vendas dhe kombëtar kaloi në Ngushticën e Bosforit në Istanbul dhe përshëndeti presidentin Recep Tayyip Erdoğan, transmeton Anadolu.
Anija turke TCG Anadolu kalon në Ngushticën e Bosforit https://t.co/1vXPxX3PwK pic.twitter.com/t3EHIRvxVZ
— Anadolu Agency Albanian (@aa_albanian) April 23, 2023
Anija TCG Anadolu u largua nga porti Sarayburnu pas komandës "largohu" nga ministri turk i Mbrojtjes, Hulusi Akar dhe më pas mbërriti në brigjet pranë Zyrës së punës presidenciale Dolmabahçe.
Këtu TCG Anadolu përshëndeti presidentin Erdoğan, kreu 21 të shtëna me top dhe në bord u mbajt rreshtimi.
Gjatë kësaj, presidenti Erdoğan, bashkëshortja e tij Emine Erdoğan, ministri turk i Arsimit, Mahmut Özer u shoqëruan edhe nga fëmijët e prekur nga tërmeti të cilët kishin ardhur për vizitë me rastin e 23 prillit, Ditës së Sovranitetit Kombëtar dhe Festës së Fëmijëve.
Në kalimin përmes ngushticës, në anijen TCG Anadolu ishin të pranishëm ministri i Mbrojtjes, Hulusi Akar si dhe komandantë të forcave.
Gjithashtu ky parakalim u shoqërua nga avionë dhe helikopterë të Komandës së Forcave Ajrore.
TCG Anadolu vazhdon lundrimin e saj në Ngushticën e Bosforit duke përshëndetur qytetarët.
