Ekip
06 Nëntor 2017•Përditësim: 07 Nëntor 2017
LONDËR (AA) - Ish-përzgjedhësi kroat Slaven Biliç është shkarkuar nga klubi anglez West Ham, konfirmojnë nga klubi londinez, transmeton Anadolu Agency (AA).
Vendimtare për Biliç ishte disfata e javës së kaluar kundër Liverpoolit (1:4) në terenin vendas, pas së cilës eksperti kroat pranoi se ishte realist në lidhje me të ardhmen e tij në klub.
"Çekanët" në shtatë xhirot e fundit kanë shënuar vetëm një fitore dhe në 11 xhirot e këtij sezoni vetëm dy, kështu që ata aktualisht ndodhen në zonën e rënies.
"Jam i zhgënjyer, por jo me klubin. Kisha pritje. Kjo është një lëvizje shumë logjike", tha Biliç pas takimit me anëtarët e Bordit Drejtues.
Nga West Ham kanë deklaruar se ndërrimi i trajnerit ishte i domosdoshëm "ashtu që klubi të ecë përpara pozitivisht dhe në përputhje me ambiciet".
Mediat angleze raportojnë se në vendin e Biliç në West Ham mund të ulet ish-trajneri i Evertonit dhe Manchester Unitedit David Moyes. Moyes u shkarkua nga Sunderland sezonin e kaluar pas rënies nga Premier Liga.
