US Open, finalja do të luhet mes Nadal dhe Medvedev
Finalja mes Nadal dhe Medvedev do të zhvillohet nesër
Stamboll
Tenisti spanjoll Rafael Nadal dhe ai rus Daniil Medvedev do të përballen në finalen e turneut të madh US Open, raporton Anadolu Agency (AA).
Në turneun e fundit të madh të sezonit që po zhvillohet në New York të Shteteve të Bashkuar të Amerikës (SHBA), bartësi i dytë, Nadal, u përball me bartësin e 24-t, italianin Matteo Berrettini në gjysmëfinale.
Nadal, për herë të 27 u kualifikua në finale në turnetë e mëdha, pasi fitoi ndaj kundërshtarit të tij i cili në karrierë për herë të parë luan në gjysmëfinale në ndonjë turne të madhe, me rezultatin 3-0 në sete, gjegjësisht 7-6, 6-4 dhe 6-1.
Ndeshja tjetër e gjysmëfinales tek meshkujt u luajt mes bartësit të 5-të Daniil Medvedev dhe atij 78-t bullgarit Grigor Dimitrov. Medvedev fitoi me rezultatin 3-0 në sete, gjegjësisht 7-6, 6-4, dhe 6-3.
Tenisti 23 vjeçar Medvedev për herë të parë në karrierën e tij u kualifikua në finale të ndonjë turneu të madh.
Finalja mes Nadal dhe Medvedev do të zhvillohet nesër në ora 22.00.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.