Sot caktohen gjysmëfinalistët në UEFA Ligën e Konferencës
Përfaqësuesi i vetëm turk në këtë organizim, Fenerbahçe, do të presë klubin grek Olympiakos. Ndeshja e parë në Greqi përfundoi në favor të Olympiakosit me rezultatin 3-2
Istanbul
Me ndeshjet që do të zhvillohen sot në çerekfinalet e UEFA Ligës së Konferencës, do të caktohen gjysmëfinalistët e turneut, raporton Anadolu.
Në organizimin e tretë më të madh të nivelit të klubeve në futbollin evropian, sot do të zhvillohen ndeshjet kthyese çerekfinale.
Përfaqësuesi i vetëm turk në këtë organizim, Fenerbahçe, do të presë klubin grek Olympiakos. Ndeshja e parë në Greqi përfundoi në favor të Olympiakosit me rezultatin 3-2.
Ndeshjet e gjysmëfinales do të luhen më 2 dhe 9 maj. Finalja e sivjetme e Ligës së Konferencës do të luhet më 29 maj në stadiumin "Agia Sophia" në Athinë të Greqisë.
Programi i ndeshjeve kthyese çerekfinale është si në vijim:
18:45 Lille (Francë) - Aston Villa (Angli) (1-2)
18:45 Fiorentina (Itali) - Viktoria Plzen (Çeki) 0-0
21:00 PAOK (Greqi) - Club Brugge (Belgjikë) (0-1)
21:00 Fenerbahçe (Türkiye) - Olympiakos (Greqi) (2-3)