Emre Aşıkçı
19 Nëntor 2020•Përditësim: 19 Nëntor 2020
Belgjika mposhti Danimarkën mbrëmë me rezultatin 4:2 për t'u kualifikuar në finalet e Ligës së Kombeve të UEFA-s, transmeton Anadolu Agency (AA).
Golashënuesit për përfaqësuesen belge, në ndeshjen e luajtuar në stadiumin "Den Dreef" në Luven, ishin Romelu Lukaku me 2 gola dhe nga një Youri Tielemans dhe Kevin De Bruyne.
Golat për Danimarkën i shënuan Jonas Wind dhe Nacer Chadli (autogol).
Italia shënoi fitore ndaj Bosnjë e Hercegovinës me rezultatin 2:0 duke rezervuar një vend në finalet e Ligës së Kombeve.
Andrea Belotti dhe Domenico Berardi shënuan golat duke çuar ekipin e tyre drejt fitores në stadiumin e Sarajevës, "Grbavica".
Pas këtyre rezultateve, Italia, Belgjika, Franca dhe Spanja kaluan në finale.
Austria, Çekia, Hungaria dhe Uellsi u ngjitën në Ligën A, ndërsa Shqipëria, Sllovenia dhe Armenia në Ligën B.
Bosnjë e Hercegovina dhe Islanda u zhvendosën në Ligën B pasi Irlanda e Veriut, Sllovakia, Turqia dhe Bullgaria u zhvendosën në Ligën C.
Kazakistani, Estonia dhe Moldavia do të luajnë për t'i shpëtuar rënies.
