Inter zyrtarizon transferimin e marokenit Achraf Hakimi

Skuadra italiane e futbollit Inter ka transferuar në radhët e saj futbollistin maroken Achraf Hakimi, transmeton Anadolu Agency (AA).

Klubi italian i ligës së parë (Serie A) njoftoi në një deklaratë se me mbrojtësin 21-vjeçar të Real Madridit është firmosur marrëveshje pesëvjeçare.

Ndërkohë, mediat raportuan se Inter ka paguar 45 milionë euro për transferimin e Hakimit.

Hakimi këtë sezon e kaloi si lojtar i huazuar te klubi gjerman Borusia Dortmund. Gjatë këtij sezoni, ai është paraqitur në 45 ndeshje dhe ka shënuar 9 gola në të gjitha garat.