Duka zgjidhet anëtar i Komitetit Ekzekutiv të UEFA-s
Duka ka arritur të zgjidhet në Komitetin Ekzekutiv të Federatës Evropiane të Futbollit në punimet e Kongresit të 43-të të UEFA-s në Romë
Tiranë
TIRANË (AA) - Presidenti i Federatës Shqiptare të Futbollit (FSHF), Armand Duka, është zgjedhur anëtar i Komitetit Ekzekutiv të UEFA-s, transmeton Anadolu Agency (AA).
Duka ka arritur të zgjidhet në Komitetin Ekzekutiv të Federatës Evropiane të Futbollit në punimet e Kongresit të 43-të të UEFA-s në Romë.
“Presidenti Duka ka arritur të zgjidhet në Komitetin Ekzekutiv të UEFA-s me 36 vota, duke marrë besimin e delegatëve të shumë federatave të mëdha evropiane për një mandat 4 vjeçar. Një arritje shumë e madhe kjo për Shqipërinë dhe futbollin shqiptar që ka arritur të kalojë kufijtë e përfaqësimit në institucionet më të rëndësishme evropiane sportive. Për herë të parë në histori, futbolli shqiptar do të përfaqësohet nga presidenti Duka në qeverinë e futbollit evropian”, thuhet në njoftimin e FSHF-së.
Duka mban postin e kreut të Federatës Shqiptare të Futbollit që nga viti 2002.
Kujtojmë se në punimet e këtij kongresi, Aleksander Ceferin, është rizgjedhur si presidenti i UEFA-s për një mandat të dytë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.