Caktohen çiftet çerekfinaliste në UEFA Ligën e Evropës

Me shortin e hedhur sot, janë caktuar ndeshjet e çerekfinales dhe gjysmëfinales në UEFA Ligën e Evropës, raporton Anadolu.

Shorti në organizimin e dytë më të madh të nivelit të klubeve në futbollin evropian, është hedhur në qytetin Nyon të Zvicrës.

Ndeshjet e para çerekfinale do luhen më 11 prill ndërsa ato kthyese më 18 prill. Ndeshjet e gjysmëfinales do të luhen më 2 dhe 9 maj.

Finalja e sivjetme e Ligës së Evropës do të luhet më 22 maj në stadiumin "Dublin Arena" në Irlandë.

Ndeshjet janë si në vijim:

- Çerekfinale

Milan (Itali) - Roma (Itali)

Liverpool (Angli) - Atalanta (Itali)

Bayer Leverkusen (Gjermani) - West Ham United (Angli)

Benfica (Portugali) - Olympique de Marseille (Francë)

- Gjysmëfinale

Benfica - Olympique de Marseille / Liverpool - Atalanta

Milan - Roma / Bayer Leverkusen - West Ham United