Recep Şakar
16 Dhjetor 2021•Përditësim: 17 Dhjetor 2021
Autoritetet shëndetësore të Zelandës së Re konfirmuan rastin e parë të variantit Omicron të koronavirusit, transmeton Anadolu Agency (AA).
"E gjithë sekuenca gjenomike ka zbuluar rastin e parë në Zelandën e Re të variantit Omicron", njoftoi Ministria e Shëndetësisë, duke shtuar se personi mbërriti në Auckland nga Gjermania nëpërmjet Dubait më 10 dhjetor.
Personi është vaksinuar plotësisht me dy doza të vaksinës Pfizer dhe aktualisht është në izolim të menaxhuar në Christchurch, theksohet më tej.
Drejtori i Përgjithshëm i Shëndetësisë, Ashley Bloomfield, tha se derisa arritja e variantit të ri është "shqetësues", Zelanda e Re është e përgatitur mirë për të menaxhuar rastet e Omicron-it.
Bloomfield tha se me 90 për qind të popullatës të vaksinuar me dozë të dyfishtë dhe me programin përforcues në zhvillim e sipër, Zelanda e Re është përballur mirë me pandeminë.
Vendi ka raportuar 13.238 raste me COVID-19 dhe 48 viktima.
