Ushtria somaleze çliron tre fshatra nga Al-Shabaab

Ushtria somaleze sot ka çliruar së paktën tre fshatra nga grupi militant Al-Shabaab në rajonin jugperëndimor Bay, transmeton Anadolu Agency (AA).

Nour Ali Mohamed, ushtrues i detyrës komandant i batalionit 154 të ushtrisë somaleze për mediat deklaroi se forcat somaleze çliruan fshatrat Rahole, Biyo-dhale dhe Bandhub nga Al-Shabaab pas një operacioni kundër këtij grupi në rajon.

"Gjatë operacionit tonë kemi vrarë disa militantë të Al-Shabaab dhe plagosur disa të tjerë", shtoi Mohamed.

Ibrahim Mohamed Nour Shigshigow, kryetari i qytetit Dinsor, tha se operacioni do të vazhdojë derisa rajoni Bay të pastrohet nga militantët e Al-Shabaab.

Operacioni ndodhi disa ditë pas shpërthimit të bombës pranë një stacioni të policisë në qytetin Dinsor, i cili la të paktën pesë të vdekur dhe katër të tjerë të plagosur.