Somali, shkon në 15 numri i viktimave nga shpërthimi në Mogadishu

JOHANNESBURG (AA) – Të paktën 15 njerëz kanë vdekur si pasojë e shpërthimit të fuqishëm i cili tronditi një hotel në Mogadishu, transmeton Anadolu Agency (AA).

Agjencia e lajmeve SONNA raporton se në mesin e viktimave ka ushtarë dhe civilë somalezë.

Njëzet persona kanë marrë plagë serioze, si pasojë e aktivizimit të një kamioni të mbushur me eksploziv të cilin militantët e grupit Al-Shabaab e aktivizuan para hotelit SYL.

Hoteli gjendet në afërsi të rezidencës presidenciale. ±±±Një shitës në dyqan deklaroi për Anadolu Agency se ka parë tym të madh duke u ngritur në qiell.

“Ishte e tmershme. Nuk e di se kur ne do të kemi paqe në shtet?", tha ai.

Militantët somalezë të grupit al-Shabaab, dega e Al Kaedës për Somali janë duke luftuar për të rrëzuar nga pushteti qeverinë somaleze të përkrahur nga Perëndimi.

Militantët e Al-Shabaab-it kanë kryer disa sulme në Somali dhe në Kenian fqinje duke vrarë qindra njerëz të pafajshëm.