Dildar Baykan
04 Nëntor 2018•Përditësim: 05 Nëntor 2018
NEW YORK (AA) – Universiteti Harvard në SHBA ka anuluar konferencën e princit saudit Turki al-Faris me sqarimin se "për shkak të rastit "Khashoggi", nuk është momenti i duhur për një gjë të tillë", transmeton Anadolu Agency (AA).
Ish-ministri i çështjeve të inteligjencës të Arabisë Saudite për median "The Daily Beast" deklaroi se universiteti ka anuluar ftesën për mbajtjen e konferencës.
Ambasadori i dikurshëm i Arabisë Saudite në Washington tha se ka pranuar vendimin e lëshuar nga universiteti, në të cilën shkruhej se për shkak të rastit "Khashoggi" nuk është momenti i duhur për mbajtjen e konferencës.
Gazetari i vrarë Khashoggi një kohë ishte këshilltar i princit Turki.
Arabia Saudite u ballafaqua me kritika nga mbarë bota për vrasjen e gazetarit saudit Jamal Khashoggi në Konsullatën saudite në Stamboll. Kolumnisti i "Washington Post" u zhduk më 2 tetor, pasi kishte hyrë në Konsullatën saudite në Stamboll për disa dokumente që nevojiteshin për kurorëzim.
Siç pohon zyra e prokurorit shtetëror në Stamboll, Khashoggi me të hyrë në konsullatë është ngulfatur dhe menjëherë është copëtuar.
