Sulm në Afrin të Sirisë, tetë civilë të vdekur

Gjatë një shpërthimi në Afrin të Sirisë kanë humbur jetën së paku tetë civilë, raporton Anadolu Agency (AA).

Në Tirende, në jug të Afrinit, u aktivizua një mjet shpërthyes i vendosur në një cisternë karburanti, më pas erdhi deri te derdhja e karburantit që shkaktoi edhe zjarr.

Në sulmin gjatë të cilit ngjau dëm i madh material u plagosën 35 civilë.

Pjesëtarët e forcave të sigurisë janë duke hetuar mundësinë nëse për sulmin përgjegjës janë terroristët e YPG/PKK-së.

Forcat e Armatosura të Turqisë (TSK) dhe Ushtria e Lisë Siriane (ULS) në operacionin “Dega e Ullirit” e çliruan Afrinin nga terroristët e YPG/PKK-së. Megjithatë, terroristët edhe më tej janë të pranishëm në Tel Rifat, me vendndodhje në jugperëndim të Afrinit dhe kohë pas kohe kryejnë sulme në Afrin.