Sulm me bombë në Somali, 5 të vdekur, 10 të plagosur

MOGADISHU (AA) - Pesë persona kanë humbur jetën dhe dhjetë të tjerë janë plagosur nga një sulm me autobombë në kryeqytetin e Somalisë, Mogadishu, transmeton Anadolu Agency (AA).

Sulmi ka ndodhur pasi një automjet i ngarkuar me eksploziv ka shpërthyer në gjendje të parkuar pranë një restoranti me civilë në afërsi të Muzeut të Somalisë në Mogadishu, njoftuan burimet e sigurisë.

Zekerija Ahmed nga ekipet e mbrojtjes civile tha se të plagosurit janë shtruar në spitalet e kryeqytetit dhe disa prej tyre janë në gjendje të rëndë.

Asnjë organizatë ende nuk e ka marrë përsipër sulmin.

Ndryshe, organizata terroriste Al-Shabab, e cila mban nën kontroll shumë fshatra dhe qyteza në jug të vendit, shpesh organizon sulme ndaj punonjësve të sigurisë dhe civilëve.