Sulm me bombë në Sinai të Egjiptit, vriten dy policë

KAJRO (AA) - Të paktën dy policë egjiptianë janë vrarë nga sulmi i sotëm me bombë në gadishullin e trazuar të Sinait, raporton Anadolu Agency (AA).

Një zyrtar i paidentifikuar i forcave egjiptiane të sigurisë njoftoi se sulmuesit kishin aktivizuar mjetin shpërthyes në një rrugë nëpër të cilën po kalonte një patrullë e policisë, si pasojë e së cilës dy policë u vranë dhe tre të tjerë mbetën të plagosur.

Ushtria dhe policia kanë nisur një aksion për gjetjen e sulmuesve, ndërkohë që askush nuk ka marrë përgjegjësinë.