Sudan, ndalen fluturimet në aeropotin e kryeqytetit Khartoum

Në aeroportin e kryeqytetit të Sudanit, Khartoum, janë ndalur fluturimet e reja, ndërsa lejohen vetëm uljet e avionëve, transmeton Anadolu Agency (AA)

Sipas mediave sudaneze, mësohet se pasi ushtria në Sudan rrethoi televizionin dhe radion shtetërore, në aeroportin e kryeqytetit Khartoum fluturimet u ndaluan ndërsa lejohen vetëm uljet e avionëve.

Burimet lokale theksojnë se ushtarët kanë filluar të arrestojnë liderët e Partisë Kombëtare të Kongresit në pushtet.

Ushtria në Sudan në orët e para të mëngjesit rrethoi televizionin dhe radion shtetërore, ndërsa vërehet se ushtarët dhe pjesëtarët e Forcave të Mbështetjes së Shpejtë janë pozicionuar nëpër rrugë.

Që në orët e para të mëngjesit në televizionin dhe radion shtetërore janë emetuar marshe dhe këngë kombëtare ndërsa u njoftua se ushtria do të japë një deklaratë të rëndësishme së shpejti.