Siri, disa civilë të vdekur nga sulmet ajrore në Idlib

IDLIB (AA) - Të paktën 5 civilë kanë humbur jetën ndërsa shumë të tjerë janë plagosur si pasojë e sulmit ajror ndaj qarkut Serakib i cili ndodhet në zonën e deeskalimit të Idlibit në Siri, raporton Anadolu Agency (AA).

Drejtori i Mbrojtjes Civile (Helmetat e Bardha) në Idlib, Moustafa Haj Youssef, në një deklaratë për AA tha se "Në sulmin ajror ndaj vendbanimit civil në Idlib humbën jetën 5 persona ndërsa u plagosën shumë civilë".

Ai duke treguar se sulmet janë intensifikuar në javët e fundit tha se "Regjimi i Asadit dhe Rusia çdo ditë kryejnë rreth 100 sulme me avionë".

Ndërkohë vazhdojnë punimet për kërkim shpëtim nga ekipet e Mbrojtjes Civile në Serakib.

Poashtu tre ditë më parë në sulmin ajror ndaj një tregu në Serakib humbën jetën 11 civilë ndërsa 13 të tjerë u plagosën.

Idlibi në 1.5 muajt e fundit është shënjestër e sulmeve ajrore intensive.