Shpërthimi në Meksikë, arrin në 24 numri i viktimave

COATZACOALCOS (AA) – Në shpërthimin që ndodhi të mërkurën në uzinën petrokimike në kompaninë shtetërore meksikane të naftës Pemex në qytetin e Coatzacoalcos, deri më tani numri i viktimave ka arritur në 24, raporton Anadolu Agency (AA).

Më herët u njoftua se 13 vetë vdiqën në shpërthimin.

Sipas një deklarate të Pemex në mesin e 19 pacientëve të hospitalizuar, 13 prej tyre janë në gjendje kritike. Përveç kësaj, tetë persona llogariten si të zhdukur.

U theksua se identiteti i 12 të vdekurve është konfirmuar, nga të cilët tetë prej trupave u janë dorëzuar familjeve.

Aksionet e kërkimit dhe shpëtimit po zhvillohen me intensitet të plotë.