Shpërthimi në Manchester, të paktën 22 të vdekur

LONDËR (AA) – Zyrtarët policorë në Manchester të Britanisë së Madhe njoftuan se gjatë shpërthimit të mbrëmshëm në koncertin e Ariana Grande në Manchester Arena, humbën jetën 22 persona, raporton Anadolu Agency (AA).

Shefi i policisë Ian Hopkins deklaroi sot në mëngjes se sulmin e ka kryer një sulmues vetëvrasës i cili aktivizoi mjetin shpërthyes ndërsa hetimi vazhdon mbi këtë rast i cili trajtohet si sulm terrorist.

Në shpërthim janë plagosur 51 persona ndërsa në mesin e atyre që pësuan ka edhe të mitur. Në hetim janë përfshirë më shumë se 400 policë.

SHBA-të, Gjermania, Franca dhe shumë vende tjera dënuan sulmin e mbrëmshëm në Manchester.

Edhe shefi i diplomacisë turke Mevlüt Çavuşoğlu sot në mëngjes deklaroi se Republika e Turqisë në mënyrë të ashpër dënon sulmin në Manchester dhe dërgoi mesazh ngushëllimi për qeverinë dhe popullin e Britanisë së Madhe.