Shefi i Ushtrisë Turke vizitë në Irak

BAGDAT (AA) – Shefi i Shtabit të Përgjithshëm të Turqisë, Gjeneral Hulusi Akar i cili ndodhet për një vizitë në Irak, u prit me një ceremoni zyrtare nga homologu i tij irakian Osman el-Ganimi, transmeton Anadolu Agency (AA).

Shefi i Ushtrisë Turke, pas ceremonisë zyrtare të pritjes të mbajtur në Ministrinë e Mbrojtjes së Irakut në Bagdad, zhvilloi një takim me ministrin e Mbrojtjes së Irakut, Irfan el-Hiyali.

Më pas Akar dhe pjesëtarët e delegacionit realizuan një takim mes delegacioneve me shefin e Shtabit të Përgjithshëm të Irakut, Ganimi.