SHBA, rritet në 108 numri i të vdekurve nga koronavirusi

Numri i të vdekurve nga koronavirusi i ri (Covid-19) në SHBA është rritur në 108, ndërsa numri i të prekurve në 6.362, transmeton Anadolu Agency (AA).

Shifrat e fundit të publikuara nga Universiteti "Johns Hopkins" i cili ndjek të dhënat lidhur me Covid-19 në vend, tregojnë se vazhdon të rritet numri i rasteve dhe vdekjeve nga Covid-19 në të gjithë SHBA-në.

Sipas përditësimit të bërë mbrëmjen e së martës, vdekjet nga Covid-19 në gjithë SHBA-në janë rritur në 108, ndërsa numri i të prekurve në 6.362.

Raportohet se 55 prej vdekjeve janë shënuar në Washington që është edhe rajoni ku është shënuar fillimisht koronavirusi, i cili ndiqet nga New Yorku me 13 vdekje dhe Kalifornia me 12 vdekje.

Ndërkohë thuhet se numri i rasteve është rritur ndejshëm në dy ditët e fundit me fillimin e shpërndarjes që nga e hëna në mënyrë më të gjerë të testeve në të gjithë vendin.