SHBA, moti i acartë shkakton probleme

CHICAGO (AA) - Pas stuhisë së borës që ka marrë nën ndikim pjesën verilindore të SHBA-ve, moti i acartë ndikon negativisht në jetën e përditshme, raporton Anadolu Agency (AA).

Moti i ftohtë që arriti deri në minus 20 gradë në Chicago pas një reshje intensive të borës që filloi para kremtimeve të Krishtlindjeve, e paralizoi jetën në vend.

Rrugët më të ngarkuara të vendit janë të zbrazëta për shkak të motit të acartë, ndërsa janë anuluar shumë aktivitete të planifikuara më parë.

Moti në Chicago gjithashtu ka shkaktuar vonesa në fluturime, ndërsa ka ndikuar negativisht edhe në transportin publik. Ekipet janë duke punuar për parandalimin e ngrirjeve nëpër rrugë, ndërsa zhvilluan punime për thyerjen e akujve në Lumin Chicago dhe Liqenin Michigan.

Në shumë pika të vendit janë formuar edhe "qendrat e ngrohjes". Qytetarët e Chicagos me fushata të ndryshme u sigurojnë batanije atyre që kanë nevojë. Moti i acartë ka ndikuar edhe tek kafshët të egra.