SHBA formon Task Forcën e fenomeneve ajrore të paidentifikuara

Zëvendës sekretari amerikan i Mbrojtjes konfirmoi të premten se Pentagoni ka themeluar një Task Forcë për Fenomenet Ajrore të Paidentifikuara (UAP) për të përmirësuar kuptimin dhe për të fituar njohuri për natyrën dhe origjinën e UAP-ve, transmeton Anadolu Agency (AA).

David Norquist miratoi UAPTF-në, sipas një deklarate të Pentagonit.

Departamenti i Marinës, nën kompetncat e Zyrës së Sekretarit të Mbrojtjes për Inteligjencë dhe Siguri do të udhëheq UAPTF-në, misioni i të cilit do të jetë zbulimi, analizimi dhe katalogimi i UAP-ve që mund të paraqesin potencialisht një kërcënim për sigurinë kombëtare të SHBA-ve.

"Siç është shprehur më parë DOD, siguria e personelit tonë dhe siguria e operacioneve tona janë mjaft shqetësuese. Departamenti i Mbrojtjes dhe departamentet ushtarake ndërmarrin çfarëdo sulmi me avionë të paautorizuar në fushat tona të stërvitjes ose hapësirën ajrore të caktuar shumë seriozisht dhe shqyrtojnë secilin raport", tha ai.

Kjo përfshin hulumtimin e inkursioneve që fillimisht raportohen si UAP kur vëzhguesi nuk mund të identifikojë menjëherë atë që po vëzhgon, shtoi ai.