Rusia projekt rezolutë në KS-OKB për hetim në Duma

MOSKË (AA) - Ministri i Jashtëm i Rusisë, Sergey Lavrov, bëri të ditur se Rusia do të paraqesë një projekt rezolutë në Këshillin e Sigurimit të Kombeve të Bashkuara (KS-OKB) për hapjen e qytetit të Dumas për një hetim nga Organizata për Ndalimin e Armëve Kimike (OPCW), raporton Anadolu Agency (AA).

Këto komente Lavrov i bëri para gazetarëve pas një takimi me homologun nga Koreja e Veriut, Lee Yong Ho.

Lavrov theksoi se projekt rezoluta do të paraqitet për hapjen e një hetimi të ekspertëve në lidhje me sulmin kimik në Duma nga ana e OPCW-së.

Ai deklaroi se OPCW duhet të zbatojë përgjegjësitë, ta kryejë hetimin në vend, të hetojë mostrat e nevojshme në laboratorë të përshtatshëm dhe të garantohet siguri për këtë.

Shefi i diplomacisë ruse tha se projekt rezolutën do ta paraqesin në mënyrë që të realizohet një aktivitet transparent dhe i drejtë në lidhje me çështjen.