Ekip
05 Qershor 2020•Përditësim: 05 Qershor 2020
Shkalla e divorcit në Arabinë Saudite është rritur për 30 për qind gjatë periudhës së izolimit të zbatuar nga pandemia e koronavirusit të ri (COVID-19), raportoi gazeta në gjuhën angleze me bazë në Dubai, “Gulf News”, duke cituar Ministrinë Saudite të Drejtësisë, transmeton Anadolu Agency (AA).
Gazeta thekson se niveli i divorcit është rritur në krahasim me periudhën e njëjtë të vitit të kaluar.
Sidoqoftë, gjatë periudhës së izolimit, 13.000 persona gjithashtu lidhën martesë me një rritje prej 5 për qind në krahasim me periudhën e njëjtë të një viti më parë.
Ministria gjithashtu informoi se janë parashtruar rreth 7.482 kërkesa për shkurorëzim dhe Khula, një procedurë në Islam që lejon një grua të divorcohet nga burri i saj.
Sipas gazetës, disa gra saudite që punojnë, përfshirë mjekë, cituan martesat e fshehta të bashkëshortëve të tyre si arsye për të kërkuar divorc.
Me sa duket, masat e marra parandaluese për të penguar përhapjen e koronavirusit, duke përfshirë izolimin imponues, kontribuan në ndihmën e grave për të zbuluar martesën e fshehtë të burrave të tyre.
