Tre raketa iraniane lundruese shënjestruan sot Katarin, me njërën që goditi një cisternë nafte në ujërat territoriale të Katarit, njoftoi Ministria e Mbrojtjes së Katarit, transmeton Anadolu.

"Forcat e armatosura kapën me sukses dy nga raketat lundruese ndërsa raketa e tretë goditi një cisternë nafte të marrë me qira nga 'Qatar Energy' në ujërat territoriale të Katarit", tha ministria përmes kompanisë amerikane të mediave sociale X.

"U aktivizuan masat përkatëse dhe autoritetet vendosën koordinim për të evakuuar të gjithë 21 anëtarët e ekuipazhit nga cisterna pa asnjë viktimë", shtoi ministria.

Zhvillimi vjen mes tensioneve të larta rajonale, pasi SHBA-ja dhe Izraeli kanë kryer sulme ajrore ndaj Iranit që nga 28 shkurti, duke vrarë më shumë se 1.340 njerëz deri më tani, sipas autoriteteve iraniane.

Irani është hakmarrë me sulme me dronë dhe raketa që synojnë Izraelin si dhe Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima, dëmtime në infrastrukturë dhe ndërprerje të tregjeve globale dhe aviacionit.