Esra Tekin
22 Prill 2024•Përditësim: 22 Prill 2024
Presidenti turk Recep Tayyip Erdoğan mbërriti sonte në Erbil, kryeqytetin e Qeverisë Rajonale Kurde (KRG) në Irakun verior, raporton Anadolu.
Erdoğan u prit me një ceremoni zyrtare në aeroportin e Erbilit nga presidenti i KRG-së, Nechirvan Barzani.
Më herët, Barzani tha në X: “Mezi pres të takoj presidentin Erdoğan në Erbil dhe të diskutojmë çështje me urgjencë, duke përfshirë paqen, stabilitetin dhe zhvillimin ekonomik”.
Ai tha se “vizita historike” e Erdoğanit në Erbil dhe Bagdad vjen në një “kohë të ndjeshme”.
“Ajo nënvizon marrëdhëniet e forta politike, ekonomike dhe të sigurisë” midis Irakut, Qeverisë Rajonale Kurde dhe Türkiyes, shtoi ai.
Më herët gjatë ditës, Erdoğan vizitoi kryeqytetin e Irakut Bagdadin dhe zhvilloi bisedime me homologun e tij irakian Abdul Latif Rashid dhe kryeministrin Mohammed Shia Al-Sudani.
