Bota
Presidenti Biden heq kufizimet për kartën jeshile
Biden në një njoftim tha se kufizimet mbi kartën jeshile nuk i shërbejnë interesave të SHBA-së dhe se dëmtojnë ekonominë amerikane
Emel Gözellik |
25.02.2021 - Përdıtësım : 25.02.2021
Ankara
Presidenti amerikan, Joe Biden, ka hequr kufizimet e vendosura nga ish-presidenti Donald Trump ndaj kartës jeshile e cila siguron leje për të jetuar dhe punuar në SHBA, transmeton Anadolu Agency (AA).
Biden në një njoftim tha se kufizimet mbi kartën jeshile nuk i shërbejnë interesave të SHBA-së dhe se dëmtojnë ekonominë amerikane.
Duke theksuar se ka hequr kufizimet mbi kartën jeshile, Biden tha se ndalesat e sjella nga Trump kanë penguar bashkimin e familjeve.
Ish-presidenti Trump duke treguar si arsyetim papunësinë e shkaktuar nga koronavirusi i ri (COVID-19), vitin e kaluar mori vendim për të kufizuar praktikën e kartës jeshile dhe hyrjen e punonjësve të huaj në vend me "qëllimin për të mbrojtur shtetasit amerikanë".
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
