Portugalia vazhdon gjendjen e jashtëzakonshme për shkak të COVID-19
Gjendja e jashtëzakonshme mundëson që qeveria në pjesën më të madhe të vendit të vendos orë policore në mbrëmje edhe për fundjavë
Lisbonë
Parlamenti i Portugalisë ka votuar për vazhdimin e gjendjes së jashtëzakonshme në vend për edhe dy javë me qëllim të parandalimit të përhapjes së koronavirusit të ri (COVID-19), transmeton Anadolu Agency (AA).
Gjendja e jashtëzakonshme mundëson që qeveria në pjesën më të madhe të vendit të vendos orë policore në mbrëmje edhe për fundjavë.
Pritet që zyrtarët në mënyrë shtesë të ashpërsojnë kufizimin e lëvizjes në zonat ku është e lartë shkalla e infektimit. Ekspertët shëndetësorë theksojnë se rritja e shpejtë e rasteve me COVID-19 do të arrijë kulmin javën e ardhshme.
Numri kumulativ 14-ditorë i Portugalisë me raste të COVID-19 për 100 mijë banorë është 769, që është më i lartë se në Spanjën fqinje, Francë dhe Itali, tregojnë të dhënat e Qendrës Evropiane për Kontrollin e Sëmundjeve.
Në Portugali deri më tani janë konfirmuar më shumë se 239 mijë raste me koronavirus ndërsa si pasojë e sëmundjes kanë vdekur 3.701 persona.
