Palestinezët e zhvendosur strehohen midis varreve në Khan Younis

Mijëra palestinezë të zhvendosur kanë ngritur tenda midis varreve në një varrezë në Khan Younis, në jug të Rripit të Gazës, pasi ishin larguar nga bombardimet e rënda, raporton Anadolu.

Pamjet e xhiruara nga droni tregojnë familje që përpiqen të mbijetojnë në strehimore të improvizuara pa shërbime ose infrastrukturë bazë.

Gratë dhe fëmijët përballen me sfida të rënda shëndetësore dhe psikologjike ndërsa kriza humanitare thellohet.

Javën e kaluar, presidenti i SHBA-së, Donald Trump njoftoi se Izraeli dhe Hamasi ranë dakord për fazën e parë të një plani që ai paraqiti më 29 shtator për të sjellë armëpushim në Gaza, për të liruar të gjithë robërit izraelitë në këmbim të të burgosurve palestinezë dhe për tërheqje graduale të forcave izraelite nga i gjithë Rripi i Gazës. Faza e parë e marrëveshjes hyri në fuqi të premten.

Faza e dytë e planit kërkon krijimin e një mekanizmi të ri qeverisës në Rripin e Gazës, pa pjesëmarrjen e Hamasit, formimin e një force shumëkombëshe dhe çarmatimin e Hamasit.

Që nga tetori i vitit 2023, sulmet izraelite kanë vrarë mbi 67.900 palestinezë në enklavë, shumica prej tyre gra e fëmijë, duke e bërë atë kryesisht të pabanueshme.