Mehmet Nuri Uçar
11 Tetor 2015•Përditësim: 12 Tetor 2015
GAZA (AA) - Avionët luftarakë të ushtrisë izraelitë kanë patur si objektiv disa pozicione të Brigadës Izzeddin el-Kassam, krahut të armatosur të Hamas si dhe një shtëpi në lagjen ez-Zejtun, raporton Anadolu Agency (AA).
Zëdhënësi i Ministrisë së Shëndetësisë Palestineze në Gaza, Eshref el-Kudra ka theksuar se avionët luftarakë të ushtrisë izraelitë kanë patur si objektiv disa pozicione të Brigadës İzzeddin el-Kassam, krahut të armatosur të Hamas si dhe një shtëpi në lagjen ez-Zejtun, ku si pasojë ka humbur jetën një grua shtatzënë si dhe janë plagosur 3 persona të tjerë.
Gjithashtu edhe dëshmitarët kanë vënë në dukje se avionët luftarakë izraelitë kanë kryer fluturime intensive mbi Rripin e Gazës.
Ndërsa në anën tjetër policia izraelite ka njoftuar se ka dorëzuar trupin e pajetë të të riut Fadi Allon i cili u vra një javë më parë me arsyetimin se kishte qëlluar me thikë një kolon hebre.
Në Rripin e Gazës dhe Jerusalem mes ushtarëve izraelitë dhe palestinezëve përjetohen tensione të cilat nisën pasi kolonët hebrenj dogjën shtëpinë e familjes Devabishe në Nablus në fillim të muajit gusht dhe si pasojë e shkeljeve të vazhdueshme kundrejt Mesxhid-it Aksa.
