OPEC nëpërmjet video-konferencës do të shënojë 60-vjetorin e themelimit

Organizata e Vendeve Eksportuese të Naftës do të organizojë një seminar special teknik të titulluar OPEC në 60-vite, që përkujton themelin e 60-vjetorit të tij, njoftoi organizata në një deklaratë të mërkurën, transmeton Anadolu Agency (AA).

Takimi i punës do të mbahet përmes video-konferencës të martën e ardhshme, më 23 qershor, për të reflektuar evoluimin e OPEC-ut që nga themelimi i saj.

"Takimi i punës do të rishikojë kontributet e organizatës në ekonominë globale dhe tregjet e energjisë, përveç përpjekjeve të saj për të siguruar stabilitetin në tregun global të naftës", thuhet në deklaratë.

"Ai gjithashtu do të parashikojë të ardhmen e organizatës dhe mundësitë për ruajtjen e statusit të saj si pjesë integrale e ekonomisë globale në një botë në ndryshim të vazhdueshëm", shtoi ajo.

Temat e tjera të diskutimit do të përfshijnë hyrjen në energji, çrrënjosja e varfërisë së energjisë, mbrojtja e mjedisit, zhvillimi i qëndrueshëm dhe bota pas koronavirusit të ri (COVID-19).

OPEC është përpjekur gjatë viteve të fundit të sjellë ekuilibrin në tregun global të naftës. Së pari, në vitet 2014-2016 gjatë rënies së çmimit të naftës ndaj rritjes së prodhimit të naftës argjirore amerikane dhe më vonë në prill të këtij viti kur kërkesa e dobët globale e naftës nga pandemia e COVID-19 i shtyu çmimet e naftës në nivelet e tyre më të ulëta që nga viti 1999.

Që nga dhjetori i vitit 2016, OPEC-plus, prodhuesit e naftës përfshirë anëtarët e OPEC-ut, Rusinë dhe vendet e tjera jo-OPEC që prodhojnë naftë, frenuan prodhimin e tyre kolektiv të naftës katër herë për të mbështetur çmimet.

Gjatë takimit të OPEC-plus në mars 2020 kundër kërkesës së ulët globale të naftës në lidhje me COVID-19 nuk u arrit të sigurohet frenimi shtesë i furnizimit. Më vonë, OPEC-plus u pajtua në prill të ul prodhimin e naftës së papërpunuar me 9.7 milionë fuçi në ditë deri në fund të qershorit ndërsa në qershor vazhdoi dakordimin deri në fund të korrikut.

"Gjatë 6 dekadave të ekzistencës së saj, organizata ka një histori të gjerë, të lavdishme dhe 60-vjetori na ofron një mundësi për të rishikuar këtë udhëtim të rëndësishëm dhe të mësojmë nga përvoja e saj për të shikuar përpara drejt së ardhmes", theksoi në një deklaratë Sekretari i Përgjithshëm i OPEC-ut, Mohammad Sanusi Barkindo.

"Ky takim special pune do të sigurojë një platformë për të reflektuar në arritjet e OPEC-ut deri më sot dhe të mendojë të ardhmen e ndritshme dhe premtuese të organizatës. Unë nuk kam asnjë dyshim se ditët më të mira të OPEC-ut janë para tij", shtoi ai.

OPEC u themelua më 14 shtator të vitit 1960 në kryeqytetin e Irakut, Bagdad me pesë anëtarë themelues - Irani, Iraku, Kuvajti, Arabia Saudite dhe Venezuela.