OKB dërgon 48 mauna me ndihma në Idlib

Organizata e Kombeve të Bashkuara sot ka dërguar 48 mauna që transportonin ndihma humanitare për në veriperëndim të Sirisë, ku miliona njerëz kanë nevojë për ndihmë për shkak të konfliktit të brendshëm në këtë vend, raporton Anadolu Agency (AA).

Maunat me furnizime hynë në Idlib të Sirisë përmes vendkalimit kufitar Cilvegözü të provincës jugore turke Hatay.

Ndihma do të shpërndahet midis banorëve të Idlibit dhe zonave rurale në afërsi.

Siria është shkatërruar nga lufta civile që nga fillimi i vitit 2011, kur regjimi i Bashar al-Asadit shtypi protestuesit prodemokratikë.