Një aktivitet kulturor me valle dhe muzikë nga grupe etnike u mbajt midis pemëve baobab në Senegal, raporton Anadolu.

Turistë nga shumë vende evropiane morën pjesë në aktivitetin, i cili u zhvillua në pyllin e baobabëve në Mbour, rreth 100 kilometra nga kryeqyteti i Senegalit, Dakar.

Aktiviteti, i mbajtur në natyrë në pyllin e baobabëve, paraqiti skena nga ceremonitë e grupeve etnike Serere, Fulani dhe Mandinge, të shoqëruara me këngë dhe valle lokale.

Ndërsa grupet etnike Serere dhe Fulani demonstruan aftësitë e tyre me figura të ndryshme rreth një zjarri, në mbrëmje iu bashkuan edhe valltarë tradicionalë të maskuar me luanë, të njohur si "simb" (luan i rremë) në Wolof dhe të pranishëm në pothuajse të gjitha festimet në Senegal.

Ndërsa personat e veshur me kostume luani u përpoqën të "frikësonin" turistët, një akrobat, i njohur si "echassier" në frëngjisht dhe "thiakaba" në Wolof për ngjashmërinë e tij me një çafkë me këmbë të gjata, e cila ishte 5 metra e gjatë, u bashkua me turmën.

Eventi përfundoi me turistë që kërcenin rreth zjarrit me perkusione tradicionale, me të gjitha personazhet mistike specifike për Senegalin.