Në kryeqytetin e Rusisë, Moskë, u mbajt aktiviteti "Valsi i Fitores" me rastin e shënimit të 80-vjetorit të mposhtjes së Gjermanisë naziste nga Bashkimi Sovjetik në Luftën e Dytë Botërore, raporton Anadolu.

Në aktivitetin që u mbajt para Qendrës së Ekspozitës së Rusisë, morën pjesë 200 çifte nxënësish, të cilët festuan duke kërcyer vals me kostume të viteve 1940.

Data 9 maj në Rusi përkujton fitoren e Bashkimit Sovjetik ndaj Gjermanisë naziste dhe kjo ditë festohet në vend duke mbajtur parada me parakalimin e forcave dhe automjeteve të ndryshme ushtarake.