MIT neutralizon një nga udhëheqësit e PKK/KCK-së në veri të Irakut

Organizata Kombëtare e Inteligjencës (MIT) neutralizoi një nga të ashtuquajturit drejtues të PKK/KCK, Lokman Ismail i koduar si "Şiyar Muhtar" në një operacion në veri të Irakut, transmeton Anadolu.

Sipas informacionit të marrë nga burime sigurie, MIT, si rezultat i aktiviteteve të mbledhjes së inteligjencës, përcaktoi se anëtari sirian i PKK/KCK-së Ismail ndodhej në veri të Irakut.

Ismail, i koduar si "Şiyar Muhtar", i cili ishte aktiv në organizatën terroriste për rreth 30 vjet, u neutralizua me një operacion në vend.

- Ai ishte planifikuesi i sulmeve terroriste në Şırnak dhe Adana

Anëtari i PKK/KCK-së, Lokman Ismail, u trajnua nga lideri i organizatës, Abdullah Öcalan, kreu aktivitete të armatosura në Türkiye midis viteve 1996 dhe 2004 dhe u zhvendos në rajonin e Zapit në vitin 2004 dhe u trajnua në kampet e organizatës.

Terroristi, i cili gjithashtu kishte organizuar sulmet kundër forcave turke të sigurisë në Şırnak dha urdhër për sulmin me bombë në 2 automjete në lagjen Seyhan të Adanas në vitin 2019.